American Idol thar Maddie Poppe

American Idol season 16 chu zawhfel a ni leh ta a, Thawhṭanni zan khan result puan a ni. Maddie Poppe chuan a bialpa Caleb Lee Hut­chin­son chu khumin American Idol atan thlan a ni a, Pennsylvania lam chhuak Gabby Barrett chu pathumna a ni.

American Idol season 16 Grand Finale-ah hian top 10 te an inlan a, top 3 thlan chhuah zui a ni. Top 3-ah hian Gabby Barrett, Caleb Lee Hutchinson leh Maddie Poppe te an tling a ni. A tawpah Maddie leh Caleb te chuan a ber nih an inchuh a, Maddie Poppe chu a vennei ta zawk a ni.

Caleb leh Maddie te hi an in 'date' tih hriat a nih avangin entu mipui thawm a ring hle. An pahniha stage-a an dingdun hi judge-te pawhin an lawm hle a, show tihmuhnawmtu an tling. A tawpah Maddie zawk a ding chang a, Caleb pawn a lawmpui thiam hle.

Grand finale-ah hian Caleb leh Maddie te hian 'Some­where over the rainbow' tih hla an sa dun bawk a, mipuiin an lawm hle a, judge-te pawh an phusa hle a ni. Grand Finale hi judge Lionel Richie chuan a hla hit ṭhin 'All Night Long' tih hla hmangin a khuh hawng a, a che vel pawh hmuh a la nuam hle. A zai hi top 10 ten an ṭawiawm bawk a ni.

Grand fianle zan hian Barrett leh judge Luke Bryan te an zai dun a, Poppe leh Kermit bakah, Hutchinson leh Darius Rucker te an perform dun bawk. American Idol ni ta Maddie hi kum 20 mi a ni a, hetih lai hian a bialpa Caleb erawh kum 18 chauh a la ni thung.