Slash-a single thar naktukah

Slash chuan naktuk hian single thar 'The River Is Rising' a tichhuak dawn.

Guns N' Roses guitarist hian a single thar tur chungchang hi Twitter kaltlanga puangzarin Myles Kennedy and The Conspirators-te nena an record ho a ni a, "He hla hi guitar, bass leh drums-te nen a rual veka live-a kan record ho hmasak ber a ni a, vocals pawh live thoin kan record a ni," tiin Twitter lama teaser clip a tihchhuahah a sawi.

Slash hian tunhnai lawk khan Myles Kennedy and The Conspirators-te nena an album tihchhuah thar tur chu an album siam ho tawh zinga ṭha ber tur nia a hriat thu a lo sawi tawh a, an album tihchhuah ho pathumna tur a ni tawh a ni. December hian he album hi tlangzarh hman an tum a ni.