Pixel 6 / Pixel 6 Pro tlangzarh a ni ta

Google Pixel Fall Launch event Thawhlehnia neihah khan mi tam takin an nghahhleh Pixel 6 leh Pixel 6 Pro chu khuh hawn a ni ta.

Google Pixel phone tharte hian an company proprietary system-on-chip (SoC), Tensor an tih chu a rawn hmang ve ve a, hei hi artificial intelligence (AI) leh machine learning (ML) performance ṭha zawk tura duan a ni.

Heng phone pahnihte hi an design a danglam a, an phone hmasa lama kan hmuh ṭhin ang lo takin phone hnunglamah camera bar a rawn awm tawh a ni. Android 12 an hmang ve ve bawk.

US lamah chuan October 28 aṭang hian an zuar chhuak dawn a, Pixel 6 chu $599 (Rs. 45,000 vel) aṭanga inṭanin, Pixel 6 Pro chu $899 (Rs. 67,00 vel) aṭangin a inṭan thung. India rama tlangzarh hun tur erawh an la tarlang lo.

Pixel 6 specs ṭhenkhat:-
Display 6.40-inch
Front Camera 8-megapixel
Rear Camera 50-megapixel
+ 12-megapixel
Battery Capacity 4614mAh
OS Android 12
Resolution 1080x2400 pixels
Internal 128GB 8GB RAM, 256GB 8GB RAM

Pixel 6 Pro specs ṭhenkhat:-
Display 6.70-inch
Front Camera 11.1-megapixel
Rear Camera 50-megapixel + 12-megapixel + 48-megapixel
Battery Capacity 5003mAh
OS Android 12
Resolution 1440x3120 pixels
Internal 128GB 12GB RAM, 256GB 12GB RAM, 512GB 12GB RAM