Manchester chhiatnaa damchhuak Freya award hlan

Kum 2017 May 22 khan Ariana Grande chu Manchester Arena-ah a concert a, vanduain a thleng dawn tih tuman an hre lawk lo. Mipui pungkhawm zingah hian bomb a puak ta a, mi tam tak an thih bakah, hliam tuar eng emaw zat an awm a nih kha. He vanduaina thlenga dam chhuak Freya Lewis chu vanduaina thlen champha, May 22, Thawhlehni khan The Young Fundraiser Award hlan a ni.

Chawimawina hi NHS Heroes Award-ah hlan a ni a, award hlan a nih lai hian Freya Lewis hi a mittui a tla hial. English singer Louis Tomlinson chuan award hi sawi lawk awm loin a hlan a, a tana sum a lo tuak £27,000 zet chu a hlan a ni.

Kum 15 mi Freya hian Man­chester-a vanduaina thlengah khan hliam na tak a tuar a, Hospital-ah hun rei tak chhung unconscious in a awm a ni.

Ariana Grande chuan a concert-a vanduaina thleng hi a rilruah a thi thei lo tih a lo sawi tawh a, vanduina thlen champhaah pawh hian nunna chan mi 22 leh hliam tuar mi 59-te a tawrhpui thu a sawi a ni. Hemi denchhen hian social media lamah video a post bawk.

Vanduaina thleng hriat­renga leh dun lohna lantir hian Manchester khawpuiah mi tam tak an pung khawm a ni.