Prince Charles piancham lawmnaah Prince Harry & Meghan Markle

Prince Charles piancham­pha vawi 70-na chu May 22, Thawhlehni khan Buckingham Palace, London-ah lawm a ni a, he hunah hian upa tuakthar Prince Harry leh Meghan Mar­kle te pawh an inlan.

Prince Charles birthday hi November 14 a ni a, mahse remchan zawkna avangin an lawm lawk a ni. He hunah hian The Duke and Duchess of Sussex te hian lawm an hlawh a, Prince Harry chuan a pa hnathawh hrang hrangte a sawi chhuak a ni.

Harry hian Manchester Arena-a mipui pungkhawm beih an nih avanga nunna chante leh hliam tuarte a tawrhpui thu a sawi lang bawk.

Tun ṭum hi Harry leh Mar­kle te tan chuan hun pawimawh a ni a, an inkutsuih hnua official programme-a an inlan hmasakna ber a ni.