Kutcher-a'n Ellen DeGeneres a 'surpise'

Ellen DeGeneres chuan hriat lawk lohin khual ṭha a nei a, thilpek ṭhahnem tak a dawng bawk. American actor Ashton Kutcher chuan Ellen hi a 'surprise' a, wildlife donation atan $mtd 4 zet a hlan.

American comedian hian ṭum dang ang bawkin Nilaini khan show a nei a, hetih lai hian a ṭhenawma cheng Ashton Kutcher chu a rawn inlan thut a, entu lam pawn mak an ti hle. Kutcher a rawn chhuah chiah hian entute chu lawm avangin an zuang a, kut an beng bawk.

Hollywood star hi kut ruak­in a inlan lo a, Rwanda-a ramsa mang mai thei din­hmuna ding mek Mountain Gorilla te humhalhna tur sum ṭhahnem tak chu Ellen hnenah hian a hlan a ni.

Cybercurrency banking company Ripple chuan Ashton Kutcher hi inremna an ziahpui a, wildlife fund atan sum an pek pawh hi an tum sak a ni.

Hetih lai hian he show-a inlan tura beisei Nicki Minaj chuan hun tepter tawh takah a inlan theih loh thu a puang a, a hriselna lam ṭhat tawk loh vang nia tarlan a ni. Hemi chungchangah hian Nicki Minaj pawh hian Twitter kaltlangin thupha a chawi a ni.