Celine Dion-i'n dawhsan a rap leh ta

Canadian veteran singer Celine Dion chu zai a tawh hnua a vawi khat nan Thawhlehni zan khan Caesars Palace, Las Vegas-ah a inlan a, mipuiin 'standing ovation' an pe hial.

Celine Dion hi thla hnih vel liam ta khan Las Vegas-ah hian show nei tur a ni a, mahse a hriselna dinhmun ṭha tawk lo vangin a inlan lo thei lo. A beng zai a ni a, ni eng emaw zat chhung enkawl zui a ni bawk. Mahse tunah chuan mipui hmaah a inlan leh tawh a, Las Vegas-ah pawh hian lawm a hlawh hle a ni.

Kum 50 mi lai ni ve tawh Celine Dion hian Deadpool 2 soundtrack 'Ashes' a sak bakah, 'I Surrender' tih hmangin mipui pung­khawm a awi. Grammy award winner hian lawm a hlawh hle a, stage-a a perform lai hian thawm pawh a ṭha hle a ni.