Angelina Jolie faten US chhuahsan rih dawn lo

Angelina Jolie chuan a pasal hlui Brad Pitt nen an inṭhenna an tihfel hma chu an faten US an chhuahsan rih dawn lo tih a sawi.

Jolie hi kum 2020-a tihchhuah tur 'Maleficent 2' ah a chang mek a, a film chan avang hian a fate pawh London lamah hruai a duh. Mahse an inṭhenna hi tihfel a la nih loh avangin London lamah a fate a hruai thei rih dawn lo a ni.

Kum 42 mi Angelina Jolie hian an fate paruk - Maddox, Pax, Zahara, Shiloh, leh phir Vivienne leh Knox te chu shooting an neih chhungin London-ah awm turin a duh a ni. Mahse a tum angin thil a thleng dawn ta rih lo a ni.

Jolie leh Pitt te hi kum 2014 khan an in­ṭhen a, an inṭhenna hi chingfel tura hmalak mek a niin, an tifel hnai nia tarlan a ni.