Nicki Minaj album August-ah zawk

A tirah June 15-a tlangzarh tura tih ni zet mah se, Nicki Minaj album thar tur 'Queen' chu August 10-ah tihchhuah a ni zawk dawn.

Hemi chungchangah hian Nicki Minaj chuan tunhnai khan thuchuah a siam a, fan-te chu dawhthei taka lo nghak turin a ngen. Nicki chuan, "Album hi ṭha leh felfai zawka tih­chhuah beiseina avangin tlangzarh hun tur sawn hlat a ni ta a ni. Buaina tur a awm lo a, dawhthei takin lo nghak rawh u, a lo chhuak thuai dawn e," tiin, Ningani khan Twitter lamah a tarlang.

American-Trinidadian rapper Nicki hian June 11-15 inkarah fan-te surprise a tum thu a sawi thung a, a albuma hla a tichhuak dawn nia rinna a lian hle.