FIFA World Cup 2018 Anthem 'Colors'

'The Greatest Show On Earth' an tih, khawvel ram hrang hrangte inelna tur FIFA World Cup chu thla thar 14 khian ṭan a ni tawh dawn a, khawvelin Russia lam a hawi mek. Kumin World Cup anthem tur 'Colors' tih chu American singer Jason Derulo-a'n thiam takin a sa a, lo ngaithla ve rawh le.

World Cup 2018 anthem hi March 16 khan Warner Music chuan an tichhuak a, YouTube lamah pawh en a hlawh chho ṭan viau a ni. Colors tih hian ram hrang hrang flag-a rawng chi hrang hrang a entir a, hnam hrang hrangte culture a entir bawk.

Jason Derulo
American-te'n film leh music khawvel an thunun a ni ber a, World Cup anthem satu pawh Amrican bawk a ni. Kum 28 mi Florida lam chhuak hi tunge a nih hre lo a tam zawk kan ni hial maithei, mahse tunah chuan tunge a nih khawvelin a hre chho mek.

Jason Derulo hi UK velah chuan a lar viau a, kum 2015 khan a hla 'Want To Want Me' tih chu an lo sakpui dual dual tawh a ni.

Theme song lam hi
FIFA World Cup official theme song tur hi tun hnai khan puan a ni a, ‘Live It Up’ tih a ni. Theme song hi Will Smith, Nicky Jam leh Era Istrefi-ten an sa dawn a, nimin lam khan a track tihchhuah a ni. Sony Music leh FIFA official -te chuan track tlangzarh tur thu hi an lo puang ve tawh bawk.

Hetih rual hian June 7 aṭang chauhin official music video chu khawvel pumah tlangzarh a ni dawn chauh a, a ngahhlehawm tawh hle. World Cup ṭan hma ni sarih a la awm tihah a chhuak dawn tihna a ni. Official theme song hi Moscow khawpuia July 15-a final khelh hunah sak a ni ang.

FIFA World Cup hi June 14 khian Russia-ah khelh ṭan a ni dawn a, July 15-ah zawhfel a ni ang.