Gionee S11 Lite zuar chhuak hnai

Sumdawnna lamah China-in huang an zauh zel a, India ramah pawh an thil siam kan lalut nasa hle. Nikum November thlaa tlangzarh Gionee S11 Lite pawh Mizoramah hmuh tur a awm dawn hnai ta.

Chinese smartphone siam chhuaktu lar Gionee hian Gionee S11 Lite hi man tlawm si, ṭha siin an duang a, mi nawlpui tan pawh lei theih tura duan a ni. India khawpui hrang hrangah chuan zawrh chhuah tawh niin, Mizoramah pawh a rawn lut ṭan mek.

Gionee S11 Lite hi Qual­comm Snapdragon 435 Processor niin, An­droid 7.1 OS a hmang. Security lamah pawh a him thei tura duan niin, fingerprint sensor a awm.

Tunlai khawvelah camera ṭha hralh a kal tih hriain, 13mp+2mp dual camera a thuam a ni a, a hma pawh 16 mp zet a ni. 4Gb 32 Rom niin, face detection leh high dynamic range (HDR) support a nih bawk avangin a man nena chhut pawhin a sitawm lo hle.

A battery pawh 3030 mAh lai a ni a, a man hi Rs. 13999 vel ni tura ngaih a ni.