Mel C-i'n Billie Eilish a fak

Spice Girls member Melanie C (Mel C) chuan tunlai tleirawl zaithiam lar tak, Billie Eilish chu a fak hle a, a larna chu thiamtaka a hman vanga chhuan­awm a tih thu a sawi.

Entertainment To­night-in an kawmnaah Mel C chuan Billie hi tleirawl, la naupang zawk mah nise, a larna a ṭha zawnga hmang ṭang­kaitu a nih thu a sawi a ni.

"A kum phu loin a fing ka ti hle. Ṭawngchhuahna tur platform ṭha tak a nei tih a hria a, chu chu a ṭha zawngin a hmang a ni. A huaisen ka ti hle bawk a, mi zawng zawng hian ngaihdan kan nei ṭheuh a, sawisel pawh huamin a ṭawngchhuak ṭhin a ni. Ka chhung hle," tiin Billie Eilish chungchang a sawi a ni.