AMC theater-in $tld 2.2 hloh

American movie theater chain, American Multi-Cinema (AMC) theater company chuan kumin 1st quarter chhung khan $tluklehdingawn 2.2 an hloh thu an tarlang.

Covid-19 hri leng vangin khawvel hmun hrang hrangah punkhawm khap a ni a, hemi avangin theatre zawng zawng deuhthaw khar a ngai hial. Chu chuan mi tam tak sumdawnna a tichhe hle a, AMC pawh hi a nghawng nasat zingah an tel a ni.

AMC theater hi khawvela theater chain lian ber a ni mek a, hri leng vangin March 18 aṭang khan khar a ni. Pawisa an hailuh theih nan July thla aṭang hian hawn leh tum a ni. CEO Adam Aron chuan July 17-a movie thar thlangzarh tur Tenet leh July 24-a thlangzarh tur Mulan chu tlangzarh a nih theih chuan theater-ah chhuah hman an tum thu a sawi.