Spider-Man: Into the Spider-Verse 2 Kum 2022-ah tlangzarh dawn

Spider-Man: Into the Spider-Verse 2 production chu hripui leng karah ṭan a ni ta a, lead animator Nick Kondo chuan hemi chungchang hi Thawh-ṭanni khan a twitter-ah a tarlang.

Nick Kondo hi Sony Pictures Imageworks-ah lead animator a ni a, Sony Pictures Imageworks hi Spider-Man: Into the Spider-Verse mai bakah khan  live-action Spider-Man film dan atan pawha thawh hlawk tak  ṭhin niin Spider-Man 2 phei chu Oscar an dawnpui hial.

Spider-Man: Into the Spider-Verse 2 hi part 1 tlang­zarh hma khan buaipui ṭan a ni tawh a, part 1-a aw an hman ngaite bawk kha an hman leh hmel hlawm a, October 7, 2022-a tlangzarh hman an tum a ni. Ruahmanna hmasaah kha chuan April 2022-a tlangzarh an tum a, mahse coronavirus vanga production an ṭan lawk theih loh avangin an sawn hlat a ngai ta a ni.

Spider-Man: Into the Spider-Verse kha a hlawhtling hle a, $mtd 375.5 lai lalutin Oscar-ah best animated movie a dawng hial a ni.