Jamie Vardy-a'n a nupui fanaute Russia-ah hruai dawn
June 14 mai hian FIFA World Cup chu khelh ṭan a ni tawh dawn a, player leh an kawppuiten Russia an an pan leh fur dawn. England striker Jamie Vardy pawhin a nupui fanaute chu Russia-ah hruai a tum a, anmahni venghim turin personal security team a ruai dawn.
Vardy leh a nupui Rebekah te hian fa pahnih - Sofia Vardy leh Ella Vardy te an nei tawh a, an chhungkua hian Russia an pan dawn a ni. Vardy chuan a nupui fanaute himna ngaipawimawhnin security hran a ruai dawn a, rilru nuam taka field chhunga chet tlat a duh a ni.
Rebekah pawhin a pasal chu a theih anga ṭhaa ṭawiawm an tum thu a sawi a, a rilru la peng thei tura awm erawh an tum loh thu a sawi. Rebekah chuan, "Russia-ah hian nuam tawl turin kan kal dawn lo a, ka lam lai inhmu lo ang a, nightclub-ah pawh zan rei takah min hmuh beisei suh u," tiin, a pasal ṭha taka ṭawiawm an tum thu a sawi.
England team hian tournament lian an hmachhawn changin player-te'n an nupui fanau te leh a kawppui te an hruai ṭhin chungchangah chanchin sawi tur an lo nei fo tawh a ni. An captain hlui Steven Gerrard pawhin kum 2014-a Brazil-a World Cup an khelh ṭum khan champion ngei tuma an inbuatsaihna kawngah an nupui leh bialnute (WAGs) chu rilru la peng a, a ṭha lo zawnga nghawng nei thei an nih thu a lo sawi tawh a ni.