Drake hla thar 'I'm Upset'

Canadian rapper Drake chuan May 26, Inrinni zan khan a hla thar 'I'm Upset' chu a tichhuak a, fan-te tan chuan chanchin lawmawm tak a ni ngei ang.

Drake hian April thla khan 'Nice for What' chu a lo tichhuak tawh bawk a, a album thar nghah nan leh fan-te hawi hil lutuk loh nan a khat tawkin hla thar a tichhuak ta zauh zauh. 'I'm Upset' hi 'Scorpion' album ami tur niin, social media kaltlangin a tlangzarh a ni. Apple Music leh iTunes-ahte download theih a ni a, YouTube lamah pawh a lyrics en leh ngaithlak tur a awm tawh bawk.

Tun lai rapper zinga thawm nei lian ber pawl Drake hian a album hi June thla hian a tichhuak tawh dawn a, a tihlar nan hla ṭhen khat chu a lo tichhuak lawk a ni.