BBC Radio 1 Big Weekend-ah Taylor Swift che hit

Kum tina neih ṭhin BBC Radio 1 Big Weekend chu May 26-27 chhung khan Singleton Park, Swansea-ah neih a ni leh ta a, Taylor Swift a che hit leh pek hle.

'Reputation' tour nei mek Swift chu he music festival-ah hian lawm hlawh ber pwl a ni a, 'Gorgeou' tih hla a sak lai pawhin mipui thawm a ṭha kher mai. Thawmhnaw dum suit nen stage-ah dancer-te nen an perform a, mipuite pawhin chung lamah ban pharin an zawm dual dual a ni. Swift hian a hla hit dang pawh a sa nual bawk.

UK-a music festival lian ber pawlah hian Taylor Swift bakah, Ed Sheeran, Camila Cabello, Liam Payne, 'Despacito' singer Luis Fonsi leh zaithiam dang eng emaw zat an inlan a, Singleton Park-ah mipui an khat hneh hle.

BBC Radio 1 chuan Big Weekend hi UK huam chhung hmun hrang hrangah kum tin an buatsaih ṭhin a, music festival lian leh ngaihlut hlawh tak a ni. Kuminah pawh hlut a hlawh leh hle a, a duh apiang tan chhim theih niin, ticket pawh a zo hneh hle.