Box Office ; Deadpool 2 ngam loh Solo:A Star Wars Story
May thla chhungin film chhuak thar eng emaw zat a awm ta a, Box Office lamah pawh roreltu an inthlak zut mai. Science fiction film, Solo : A Star Wars Story chuan $mtd 83.3 lalutin, kar hmasa lama roreltu Deadpool 2 chu a khum a ni.
English actress Emilia Clarke channa A Star Wars Story hi May 23 khan Sweden-ah tlangzarh a ni a, khawvel hmun hrang hrangah chhuah chhoh mek zel a ni. US-ah bik chuan en hlawh ber a ni mek a, a sum lakluh pawh a turu hle. American actor Alden Ehrenreich leh GOT star Emilia Clarke te channa Solo:A Star Wars Story hian kar liam ta khan $83.3 zet a thawk chhuak a, ram dang
aṭanga a lakluh pawh $mtd 65 vel zet a lalut bawk. Heng zinga $mtd 10.1 zet chu mirhing tmna China aṭanga a lakluh a ni.
Deadpool 2 sum lakluh tla hniam hret mah se, pahnihna a la hauh phak. May 15-a tlangzarh fantasay film hian $mtd 42.7 a lalut a, khawvel hmun dang aṭanga a lakluh pawh $mtd 57 zet a tling. Deadpool 2 hian Box Office aṭang ringawtin $mtd 363.9 zet a thawkchhuak tawh a ni.
Deadpool hi Box Office-a hun rei tak chhung vawk lal len tawh 'Avengers: Infinity War' nek chhuak thei a nih avangin dahnniam theih a ni lo. Hetih rual hian Infinity War erawh kumin film chhuak tawh zingah sum thawk chhuak hnem ber a la ni a, kar liam ta pawh khan $mtd 16.5 a thawk chhuak leh a, hmun dang aṭanga a lakluh $mtd 32.5 nen phei chuan a la tam tham hle a ni.
'Avengers: Infinity War hian Box Office aṭangin ringawt pawhin $tld 1.8 zet a lalut tawh a, khawvela film hlawhtling leh sum lalut tam zual top 5-ah a lang phak a ni.
Comedy film Book Club chu sum lalut tam palina a ni a, $mtd 9.5 a thawk chhuak. Tun hnaia tlangzarh comedy film dang Life of the Party pawhin $mtd 5.1 a thawkchhuak a, top 5-ah a lang leh bawk. Top 10-ah hian Breaking In bakah Overboard leh RBG te chu a vawi khat nan an lang a ni.
Box Office Top 10
1. Solo : A Star Wars Story - $83.3 65
2. Deadpool 2 - $mtd 42.7
3. Avengers: Infinity War - $mtd 16.5
4. Book Club - $mtd 9.5
5. Life of the Party - $mtd 5.1
6. Breaking In - $mtd 4.1
7. Show Dogs - $mtd 3.1
8. Overboard - $mtd 3
9. A Quiet Place - $mtd 2.2
10. RBG - $mtd 1.2