Billboard chart-ah BTS-in record an siam

South Korean boy band BTS chuan Bill­board 200 chart-ah No. 1 an hauh a, K-pop zinga hetiang thleng thei hmasa ber an ni.

BTS studio album pathumna 'Love Yourself: Tear' hi US-ah chuan album hralh kal ber a ni mek a, sum pawh an hai lut hnem tawh hle. He album hi May 18 khan tlangzarh niin, K-pop-fan ten an ngai hlu hle a ni.

Record chu
Tun hmain k-pop album zingah Billboard 200 chart-a dinhmun sang ber luah phak an la awm ngai lo a, tunah chuan BTS te hming a chuang ta vang mai. BTS album thar hi English ni lo, ṭawng dang album zingah kum 2016 hnu lama chart-a pakhatna hauh leh theih hmasa ber a ni bawk.

US-ah hian k-pop lam a tla na lutuk ngai lo a, chart-a lang phak pawh an khat pharh ṭhin. BTS an lo lan hnuah thil a dang lam ta a, chart-ah a ber nihna hial an hauh ta a ni. Hei mai hi a ni lo a, kum 2017 khan 'Love Yourself: Her' chu top 10-ah langin, pasarihna an lo hauh tawh bawk a ni.

South Korean Presi­dent Moon Jae-in pawhin BTS hlawhtlinna hi a hmuh hmaih bik lo a, lawm­puina leh duhsakna a hlan a ni