Canada lama honeymoon hmang tur Duke and Duchess of Sussex
Nupa tuak thar Prince Harry leh Meghan Markle te chuan honeymoon hmang turin Canada an pan dawn niin khawthlang media te chuan an tarlang.
The Duke of Sussex Harry leh Duchess of Sussex Markle te hian Canada an pan hma hian an inneihnaa tel ve thei ta lo, Markle-i pa Thomas Markle chu US lamah an tlawh phawt dawn thung. An vacation neih hun tur hi Prince Charles piancham lawm avangin a hun an sawn hla a, mahse tunah chuan Canada pan turin an inbuatsaih thei tawh dawn a ni.
An honeymoon hmanna tur hi Alberta-a Fairmont Jasper Park Lodge a ni a, tlang thengthaw nuam taka awm a ni. He hmunah hian King George VI leh Queen Elizabeth te chuan kum 1939 khan honeymoon an lo hmang tawh a, 2005 khan Queen Elizabeth II leh Prince Philip ten nuam an lo tawl tawh bawk.
Fairmont Jasper Park Lodge hi acre 700 vel zeta zau niin, hmanraw changkang tak hmanga thuam a ni. Hetih rual hian venhimna lam khauh taka ken kawh a ni dawn a, British leh Canada te inremsiamna angin an kalpui dawn a ni.