Nick Jonas leh Priyanka Chopra maw?

American singer Nick Jonas leh Indian actress lar Priyanka Chopra te chu an in 'date' niin khawthlang media-te chuan an tarlang mauh mai. He thu hi khual thuthang nge ni a, thutak khuka khukpui hluai tur tih pawh hriatthiam a har rih hle.

Nick leh Priyanka te hian Memorial Day-ah weekend an hmang dun a, an inhaw lo viau a ni awm e. US-ah chuan May 28 hi Memorial Day atan an hmang ṭhin a, hei hi hi an ni pawhin remchangah an lo hmang a ni.

Khawih lamah nge?
'Jealous' singer leh 'Quantico' actress te hi kar kalta Zirtawpni khan Hollywood Bowl-ah 'Beauty and the Beast' en turin an chhuak dun a, hemi hnu hian baseball team - Los Angeles Dodgers leh Diego Padres te inkhel an endun leh bawk.

Hei mai hi a la ni lo a, weekend lai hian Pacific Ocean-ah lawngin an zinkual bawk a ni. An thlalak pawh social media lamah a darh nasa hle a, an chanchin hian ngaihven a hlawh hle a ni.

US Weekly magazine chuan, ''Priyanka leh Nick te hi an hlim dun hle a, mipui tam tak karah khan hlim taka hun hman an duh a, mahse chim buaitu an ngah hle a ni' tiin, an chhuah dun chungchang an tarlang.

Anni pahnih hi Met Gala 2017 khan an lo inlan tawh a, hemi ṭum pawh hian sawi zawm an lo ni tawh bawk. Priyanka hi kum 35 lai a ni ve tawh a, hetih lai hian Nick Jonas erawh kum 25 mi chauh a la ni thung.

Bollywood aṭanga Hollywood thlenga hnuhma nei ṭha tak Priyanka chuan an inkar hi sawichhuah a tum rih lo a, Nick Jonas pawhin thu leh hla a la nei lo bawk.