Dune-in sum a lalut tam ber

Warner Bros. big-budget sci-fi film 'Dune' chu US lamah tlangzarh a ni ve ta a, Box Office-ah roreltu a ni nghal.

US-a roreltu Dune chu

Hollywood film star lar rual- Timothée Chalamet, Rebecca Ferguson, Oscar Isaac, Josh Brolin, Stellan Skarsgård, Dave Bautista, Stephen McKinley Henderson, Zendaya, David Dastmalchian, Chang Chen, Sharon Duncan-Brewster, Charlotte Rampling, Jason Momoa, leh Javier Bardem-te channa 'Dune' chu Zirtawpni liam ta khan US-ah tlangzarh a ni ve ta a, theatre 4,125-ah tihchhuah niin $41,011,174 a lalut.

He film hi September thla aṭang khan ram hrang hrangah an tlangzarh tawh a, kar hmasa khan US leh HBO Max-a en theih turin an tlangzarh ve ta a ni.

$maktaduai 165 lai senga an siam hian US pawn lamah sum a lalut tam tawh a, a sum hmuh chhuah tawh zawng zawng chu $mtd 223.2 tling tawhin hrileng karah chuan sum lalut ṭha pawl tak a ni.

'Dune' hi film review-tu lamin an fak tlangpui a, Rotten Tomatoes lamah pawh mi 337 laiin review-in rating 7.6/10 lai a hmu.

Pahnihna Halloween Kills, pathumna No Time to Die

Kar hmasa lama sum lalut tam ber 'Halloween Kills' chu pahnihna ni ve thungin theatre 3,727 aṭangin $14,450,215 a lalut a, pathumna chu James Bond film 25-na 'No Time to Die' kha niin $12,202,368 a lalut.

Top 5-ah 'Dune' bakah hian film tlangzarh thar pakhat a awm a, 'Venom: Let There Be Carnage' chu palina niin thung.

Film tharte chu

Sum lalut tam pangana 'Ron's Gone Wrong' chu pangana a ni a, 'The French Dispatch' chu pakuana a ni bawk.

Box Office mojo chart-ah film 44 an tarlang a, chung zingah chuan 'Becoming Cousteau' (16), 13 Fanboy (25), The Laws of the Universe: The Age of Elohim (27) leh Minyan (31)-te chu film thar an ni.