Dior global brand ambassador thar atan Anya Taylor Joy

Golden Globe-winner Anya Taylor-Joy chu Dior global brand ambassador thar atan puan a ni.

'Queen's Gambit' star kum 25 mi Anya Taylor-Joy hian French fashion company lar Dior thuam hi a hma pawhin a lo ha fo tawh a, thla hmasaa 2021 Emmy Award semnaa a inthuamna pawh khan Dior niin tunah chuan an global brand ambassador-ah an puang ta a ni.

Tennis player Emma Raducanu pawh an thawhpui thu an puanzar hnu lawkah Anya an thawhpui thu hi Dior hian an puangzar ve leh a ni.

Anya-Taylor Joy hian November 10 hian Council of Fashion Designers of America (CFDA) award a dawng dawn bawk a, 'New Mutant' star hian tunhnaiah fashion lamah ngaihven a hlawh thar viau mai. CFDA-ah hian Face of the Year award a dawng ang.

CFDA Award-ah hian 'Spider-Man' star Zendaya chuan Beyoncé, Prince, Lady Gaga, Naomi Campbell, leh Rihanna-te hnungzuiin chawimawina ngaihhlut Fashion Icon award a dawng dawn thung.