Naktukah Pathian fak leh chawimawina hun 'Zalenna Ni'

Naktuk, October 28 chawhnu dar 1-ah hian a duh apiang tel theihna tur, Upa Lalnunpuia Hrahsel hlate hmanga Pathian fak leh chawimawina hun 'Zalenna ni' chu Lawipu-a V Thanzauva huanah buatsaih a ni dawn.

Sorkar SOP bawhchhe loa hun hman tur a nih dawn avangin Lalpa mamawhtute tak tak tan chauh he hun hi buatsaih a ni dawn tih buatsaihtu lam chuan an sawi a, kal tur zat hriat theihna turin leh information dang pawh chak zawk a inhrilh hriat zung zung theih na’n Phone number tarlanah hian kal turte chu in-report tur a ni ang.

I mimal harsatna te, I hnathawh leh i hming/nihnate thup sak vek i ni ang. Call leh Whatsapp hmang pawhin hming hi a pek luh theih e.

Phone : 9862758012 / 8787652472

"Thlarau, rilru leh taksaah natna emaw harsatna neiin, mahni a chinfel hleihtheih loh khawpa sal tanna i nei em? I nupui/pasal leh ṭhian ṭhate takngial pawh hrilh ngam loh khawpa rilru hahruknate i lo nei mial lo maw?

"Lalpa faktu te; Paula leh Sila te Kawl bun phelhsak a, tan-in aṭanga chhuahtirtu Isua kha a la thi loa, i natnate tidam turin kan zingah nungin a la awm asin," tiin programme buatsaihtute chuan sawmna an siam a ni.