Clementine Fanai 'Duhthusam Duham' : KingPin's Production kut chhuak MV zaninah

Media production team la tharlam tak KingPin's Production kut chhuak music video thar 'Duthusam Duham' chu dar 8-ah hian an YouTube channel lamah tihchhuah a ni dawn.

He hla hi Clementine Fanai sak niin, Siampuii Ralte hla 'Thawnthu Tawp Thei lo Tur' tih phuahtu Parmawi phuah bawk kha a ni a, tin, KingPin's Production hi kha hlaa Siampuii Ralte-in a thawh-puite bawk kha an ni nghe nghe.

'Duthusam Duham' music video-ah hian a hla satu hi a lang dawn loa, a hla awmzia chang chhuak turin achangtunu leh achangtupa an awm dawng thung niawm tak a ni a, model turte chu MV danga kan la hmuh ngai loh hmel thar, Ruatpuia leh Lawmzuali Pachuau-te an ni dawn.

'Duhthusam Duham' hla hi a phuahtu Parmawi chuan, "A bik takin ṭhalai, mahni ngaihzawng thihna avanga chân tawhte'n an duh zualin ka ring ber a, ngaihzawng mai piah lamah kan nuna kan hmangaih kal tate tan pawh kan hlân thei âwm e, " a ti a, lung tichhe thei hla lampang a nih hmel.

Anthony WoWv chuan video a buaipui a, hmuh a nuam leh dawn tih a chiang a, John Tee Mizo nena an direct niin MV awmze nei tak, hmuhnawm tak kan hmu dawn niin a lang. KingPin's Production chuan an MV thar atana an mamawh hawh tirtu LPS Creations, Zion Street chungah lawmthu an sawi tih an tarlang bawk.

Music chu Jt Production kut chhuak a ni dawn a, recording hi H Production in tiin mixing leh intro music hi LD Ralte in a khawih thung a ni.