Jolie-i'n film chang leh dawn

Angelina Jolie chuan film chan chawlhsan mai a la tum lo a, family film 'Come Away'-ah a inlan dawn.

American actress hi David Oyelowo nen an changdun dawn a, nu leh pa chan an chang dawn a ni. Kum 2005 khan 'Come Away Home' film chu tihchhuah a lo ni tawh a, hemi chhunzawmna tur nia tarlan a ni.

Jolie hi 'Maleficent 2' filmah a chang mek bawk a, shooting neiin London lamah a khawsa mek. He film-ah hian a ṭhian hnai tak American actress Elle Fanning nen an chang dun a, ani nen hian a hma pawn an lo chang dun tawh a ni. Tun hnai khan shooting an neihna thlalak ṭhenkhat chu Fanning hian Instagram lamah a post a, a lar leh nghal hle.