World Cup laiin Shakira tour dawn

FIFA World Cup 2018 chu June 14 hian Russia-ah khelh ṭan a ni tawh dawn a, hetih lai hian South Africa-in World Cup a thlen ṭuma theme song satu Shakira chu tour nei turin a inbuatsaih mek.

Colombian singer hian FIFA World Cup 2010 khan 'Waka Waka' chu thiam takin a lo sa tawh a, Orlando Stadium-a kick-off-ah pawh a che ṭha hle a nih kha. 'Waka Waka' video hi a hit hle a, YouTube-ah pawh tluklehdingawn 1.8 zetin an en tawh a ni.

Kuminah erawh 'Greatest Show on Earth' lai hian tour a nei dawn thung a, June 3 aṭangin a ṭan ang. 'El Dorado' tour hi Germany lamah a ṭan dawn a, Hamburg khawpuiah a concert dawn a ni. Europe lam­ah hun a hman zawh hnu hian August thla aṭangin North America lam a pan leh dawn bawk.

Shakira hi a inbuatsaih nasa tawh hle a, rehearsal footage pawh social media-ah hmuh tur a awm. Tour hlawhtling a lo neih tawh ṭhin chu chhunzawm leh ngei a tum thu a sawi uar hle bawk.