CMT Music Award-ah Underwood perform dawn

Kum tina sem ṭhin CMT Music Award chu June 7 khian Nashville, Tennessee-ah sem a ni leh dawn ta a, zaithiam inlan tur pawh a hriat chhoh ṭan mek. Carrie Underwood chu a perform dawn tih a chiang tawh a, a ni bakah hian Backstreet Boys te pawh inlan tur zingah an tel.

CMT Music Award hian hlutna tak pakhat a nei a, country music leh tele­vision-a an performance aṭanga fan ten an dun zawng an thlan chhuahte hnenah chawimawina hi hlan ṭhin a ni. Fan te an pawimawh a, lar leh lar loh tehna ṭha tak a ni bawk.

2018 CMT Music Award-ah hian Darius Rucker, Jason Aldean, Luke Bryan leh Charles Kelley te chu an inlan dawn tih puan a lo ni tawh a ni. Anni bakah hian 'Cry Pretty' songer Carrie Underwood leh tun hnaia intuaithar leh mek Backstreet Boys te chu an perform dawn tih puan ani ve leh ta. Kelsea Ballerini, Kelly Clarkson, Sam Hunt, Blake Shelton leh Chris Stapleton te chu dawhsan lawn tur zingah an tel dawn bawk.

Award dawng thei turte pawh puan an lo ni tawh a, Aldean, Florida Georgia Line leh Carrie Underwood te chu category pali laiah an lang a ni.