Ngaihven hlawh Dua Lipa

English singer Dua Lipa hi tun­lai zaithiam zinga ngaihven hlawh ber pawl a ni a, Russia khawpui Kiev-a Champions League final-a a perform hnu phei kha chuan ngaih­ven a hlawh zual hle.

Champions League final khuh hawnnaah khan a hla hit 'One Kiss' tih chu a sa, American rapper Sean Paul nen 'No lie' an za sui bawk. Dula Lipa che vel a hmuhnawm a, a hmai kotlang a lo chhe vak lo bawk nen boruak a nei zui hat a ni. Kive-a a zaina hi tun hnai khan YouTube-ah upload a ni a, mi maktaduai thum chuang zetin an en tawh a ni.

Kum 22 mi lek Dua Lipa hi Vogue magazine-in British hmeichhe huhang ngah zual a thlan chhuah zingah a tel bawk. List-ah hian The Duchess of Sussex Meghan Markle pawh a lang bawk.