BTS an vul zel

Korean boyband BTS chuan an vul lai an tawng chho mek zel a, Billboard Artist 100 chart-ah No. 1 an hauh dawn tih a chiang tawh.

BTS hian Billboard 200 chart-ah No. 1 an hauh mek a, K-pop zinga hetiang thleng thei hmasa ber an ni. Hei mai hi an la duh tawk lo a, Billboard Artist 100 chart-ah dinhmun sang ber an luah dawn a, chart hi June 2-ah tichhuah a ni ang.

Member pasarih awm­na Korean boyband hian an studio album pathumna 'Love Yourself: Tear' chu May 18 khan an tlangzarh a, an hlawh­tlinpui mek. He album hi North America-ah chuan hralh kal ber a ni mek a, sum pawh an hai lut hnem tawh hle a ni. 'Love Yourself: Tear' album hian music khawvel a dengchhuak a ni ber.

Billboard Artist 100 chart-ah hian pahnihna an hauh mek a, dinhmun sang ber an luah rualin record thar an siam leh dawn a ni. BTS hi May 20-a MGM Grand Garden Arena, Las Vegas-a Billboard Music Award sem a nih khan an lo perform tawh bawk a, lawm an hlawh hle a ni.