Prince Harry & Meghan Markle Lawmpuina thilpek an pekir dawn

Prince Harry leh Meghan Markle te chuan May 19-a an ineih ṭum a, lawmpuina thilpek an dawn ṭhenkhat chu an pekir leh dawn.

Duke and Duchess of Sussex te hian thilpek an dawng hnem hle a, chung zingah chuan duhsak vanga pek ni lo, intihlar nana thilpe pawh an awm nawk a ni awm e. Company ṭhenkhat chuan intihlar nan an thilsiam an pe a, hengte hi pek let leh an ni dawn!

Company hrang hrang hnen aṭanga an thil dawn pek let tur hlut zawng hi £mtd 7 vel zet ni mah se, British lal chungkaw dan­ah mimala an hmelhriat leh ṭhian ṭhate hnen aṭang chauha thilpek an dawn phalsak an nih avangin an pekir dawn ta a ni. Hei hi company ten an larna remchangah hmanga an sumdawnna kawngaintihlar nana an hman lohna tura tih a ni.

Prince Harry leh Meghan Markle te hian thilpek maksak tak tak an dawng nual a ni awm a, People for the Ethical Treatment of Animals (PETA) India pawhin an inneih lawmpui nan hian bawng, a hmingah 'Merry' an tih chu pek an tum thu an lo puang tawh a ni.