Radio Disney Music Award-ah DJ Marshmello

Radio Disney Music Award sem nan thla khat pawh a awm tling tawh lo a, he huna inlan turte pawh puan chhoh mek an ni. Award ceremony-a perform tur zingah hian American DJ lar Marshmello hming pawh lam rik a ni ve leh ta.

American radio net­work, Radio Disney chuan music award hi kum tin an sem ṭhin a, kuminah pawh June 23 hian an sem leh dawn a ni. Inbuatsaihna kalpui mek a nih lai hian award dawng thei tur leh perform turte hming pawh puan a ni. Marshmello hi hming langsar ber a ni mek a, American music producer hi award dawng thei zingah a tel bawk.

Marshmello hi category pali zetah a hming a lang a, chung zingah chuan Selena Gomez nena an thawhdunna 'Wolves' chu song of the year atan chhawpchhuah a ni.

Marshmello hmimng lam rik a nih rual hian American indie pop band, Echosmith pawh an lo lang a, anni hi an perform dawn tih a chiang tawh. Award dawng thei tura chawp­chhuah zingah an tel bawk.

Radio Disney Music Award-ah hian Meghan Trainor, Charlie Puth leh American Idol thar Maddie Poppe te chuan stage an luahluam dawn bawk a ni.