Vin Diesel an chawimawi

Hollywood actor Vin Diesel chuan college a lo kal tawh ṭhinna Hunter College, New Work aṭangin Doctor of Pholosophy (Ph.D) a hmu thar a, a pual hian Nilaini khan Radio City Music Hall, New York-ah chawimawina hun buatsaih a ni.

'Fast & Furious' star Vin Diesel hi lehkha a thiam em avanga Ph.D hmu a ni lo a, film chan lamah a hlawhtlin em avangin an chawimawi zawk a ni. Kum 30 liam ta khan film khawvelah zuan luah a duh avangin a zirlai kalsanin he college hi a chuah san a, a tisual lo. Kum 50 mi American actor chuan, "He zirnain hi chhuahsan tawh mah ila tun dinhmun ka thlen theihna a nih avangin ka chhuang hle a ni. Hollywood-a ka luh hnu pawhin Hunter College hi chhuang takin ka sawi ṭhin a ni" a ti.

Hunter College-a a luh laia bouncer ni ṭhin Diesel hi gown nen ropui taka chawimawi a ni a, a puala hun buatsaihah hian zirlai 1,800 vel zet an tel a ni.