India-ah Zayn Malik Khawpui pali-ah concert dawn

British-Pakistani singer Zayn Malik chu August thla hian India-ah a lo kal dawn a, khawpui pali-ah concert a nei ang.

Malik hian tun hnai khan multi-city tour a neih tur thu a sawi a, India leh Nepal chu a kalna tur a ni. One Direction star Malik hian India khawpui lian pali - Mumbai, Kolkata, Hyderabad leh Delhi-ahte concert a nei dawn a, Agust 3 aṭangin a ṭan ang. Mumbai-ah kick-off a ni ang a, khawpui dangah hian chhunzawm ve nghal a ni ang.

JPR events chuan Malik hi an chah lut dawn a, fan-te tan chuan thu lawmawm tak a ni ngei ang. JPR events Director Sunil Hamal chuan, "A tirah chuan One Direction anga chah luh kan duh a, mahse hun an nei lo a ni" a ti.

Zayn Malik hi India-ah a hian a mikhual vak dawn lo a, milar tak tak hmelhriat a nei sa nual. Bollywood superstar Shah Rukh Khan nen an inhre ṭha fu a, hmaichhanah pawh an lo intawng tawh a ni. Shah Rukh Khan chuan, "Malik hi ral aṭnga ka lo ngaihruat ang kha a ni hauh lo a, a takah chuan a felin a zahawm hle a ni," tiin, hmaichhana an inhmuh hnua a hmuh dan chungchang Elle India a hrilh. Indian music legend A.R. Rahman nen pawh an lo thawk dun tawh bawk.

Hei bakah hian kumin kum tir lam khan a vawi khat nan Hindi hla a lo record tawh bawk.