Ariana Grande hla thar a hnai

Ariana Grande chuan album a buaipui mek lai ni mah se, a lo sawi lawk tawh angin hla thar a tihchhuah tur thu a sawi.

Ariana hian May thla tir lam khan a hla thar chung­chang hi a lo sawi chhuak tawh a, a peihfel hnai tawh a nih hmel. Tihchhuah hun tur erawh a la sawi lang lo a, social media lamah a vaw hot ṭan mek.

Ariana hla thar tur hi 'The Light Is Coming' tih a ni a, hla lungchhiat thlak lam a nih hmel loh. Hemi chungchang hi tun hnai khan tarlangin, video clip ṭhenkhat pawh en theihin a chawpchhuak bawk. A hla thar turah hian Nicki Minaj a thawhpui leh a, anni pahnih hi kum 2016 khan an lo thawk dun tawh bawk.