Ramos-a'n studio a luhchilh!

Real Madrid captain Sergio Ramos chuan studio a luhchilh a, FIFA World Cup-a Spain official anthem tur an record.

Spain captain ni bawk Ramos hi Demarco Fla­menco nen an thawk dun a, Otra Estrella En Tu Corazon (Another Star In Your Heart) tih chu an record a ni. Ramos hian zaiin bul a rawn ṭan a, field chunga pa rum rum ve tak hi studio-ah pawh a duai bik lo hle. Video-ah hian an ram team khelh tawhna hrang hrangte tarlan a ni bawk.

'Greatest Show On Earth' an tih mai FIFA World Cup chu June 14 hian ṭan a ni tawh dawn a, Spain ṭantute tan chuan an ram captain-in studio luhchilh a, hla a record hi phurna petu a ni ngei ang.

An hla hi social media lamah pawh a darh nasa tawh hle a, YouTube lamah pawh mi maktaduai hnih dawnin an en leh der tawh.