Drake leh Migos ten joint tour nei dawn

Canadian rapper lar Drake leh American hip hop trio Migos te chuan a huhoin tour an nei dawn. 'Aubrey & The Three Amigos Live' tour hi July 27 khian Salt Lake City-ah kick-off a ni ang.

Joint tour an neih tur hi Drake-a album palina 'Scorpion' tihlarna tur a ni dawn a, North America-ah bul ṭan a ni ang a, No­vember 17-thleng a awh dawn a ni. Drake chuan tour an neih tur thu hi Twitter kaltlangin a puang a, ticket pawh zawrh chhuah a ni tawh.

Canadian rapper hi a hming tak chu Aubrey Drake Graham a ni teh daih a, tour an neih tur title-ah pawh 'Aubrey' tih hi an hmang a ni. Drake hi tunlai rapper zingah chuan a ber tih ngam a ni a, thawm pawh a nei lian hle.