Kari Jobe, Cody Carnes leh Elevation Worship hla thar 'THE BLESSING'

Worship leader Kari Jobe, Cody Carnes leh Elevation Worship-te chuan hla thar 'The Blessing' kar hmasa khan an tichhuak a, gospel hla ngaihthlaka thlir hlawh ber a ni mek.

March thla tirah khan a live video chu YouTube lamah an dah chhuak tawh a, thlirtu pawh an ngah tawh hle. Live video-a an dah tho hi kar hmasa zirtawpni khan  live audio recording an tichhuak a, stream a hlawh nghal hle bawk.

"He hla hian min khawih hle a ni. Pathian­ thuziak (Bible) beh­chhana phuah a nih avang hian min hneh lehzual a, a thuken hi eng hunah pawh a hman theih. A rang thei ang bera tlangzarh kan duh a, eng angin nge mi nun­ah nghawng a neih kan hre chak a ni, kan nunah pawh nghawng a nei a ni," tiin an hla tihchhuah chungchang hi Kari Jobe chuan a sawi.