NETFLIX-in TV leh film industry tan $mtd 15 pe dawn

Streaming giant Netflix chuan coronavirus vanga TV leh film industry-a hna chante tan $maktaduai 15 an pe dawn tih an sawi.

Netflix chief content officer Ted Sarando chuan, "Pawisa kan thawh tam ber chu khawvel puma kan company production-in a nghawngte tan kan hmang dawn," a ti. Hemi chungchang hi Zirtawpni khan a sawi a ni. 

Covid-19 hian film industry hi a nghawng nasa hle a, film chan tur ṭhulh a tam bakah film chan lai mek tihkhawtlai a tam hle. Film chan zawh vek tawh, tlangzarh hun tur sawn hlat pawh a tam hle bawk. Chung zingah chuan film hlawhtling tura rin tam tak pawh an tel.