Rihanna-i'n chhawmdawlna atan $mtd 5 pek a tiam

Rihanna chuan coronavirus vanga ṭanpui ngaite ṭanpuina turin a Clara Lionel Foundation (CLF) kaltlangin $maktaduai 5 a pe dawn tih a sawi.

Kum 32 mi 'Umbrella' hitmaker hian a foundation kaltlang hian chhawmdawlna hi a pe dawn tih Inrinni khan a twitter-ah a sawi a ni. CLF hi khawvel puma zirna, hriselna leh chhiat­na tawkte ṭanpuina tura kum 2012-a din a ni a, a pi leh pu  Clara leh Lionel Braithwaite-te chawimawina tura a din a ni bawk.

CLF Executive Director Justine Lucas chuan hripui leng mek­in a nghawngte ṭanpui leh venhim pawimawh zia sawi ve bawkin, inbuatsaih lawksa a ṭul thu pawh a sawi uar hle.