World Environment Day

Khawvelin World Envi­ronment Day a ngai­pawi­mawh tulh tulh a, ram hausa leh rethei ber pawhin he ni hi urhsun takin an hmang a ni. June 5 a lo theng a, India sorkar pawhin environment hum­halh kawnga hmalak­na hrang hrangte a tarlang.

Every World Environ­ment Day hi ram hrang hrangin an inthlen chhawk ṭhin a, kuminah hian India-ah nghah a ni. Prime Minister Narendra Modi chuan he ni pual hian thuchhah a sawi a, exhi­bition a tlawh kual bawk a ni. Kuminah hian World Environment Day thupui atan 'Beat Plastic Pollution' tih chu thlan a ni.

Ram hrang hrangten plastic aṭanga thil siam chhuah titlem tura an hmalakna tarlan a ni a, khawvel hmasawn zelna tura harsatna then thei a nih thu an sawi uar hle. Plastic-in tuifinriat leh khawmual a tihbawlhhlawh nasat zia te, mihring hriselna thlenga a nghawng theih thute an tlangaupui a ni.

India sorkar chuan ram mipuite chu plastic hman kawngah fimkhur turin a chah a, mimal mawh­­phurhna te a tarlang bawk. Union Environment Minister Harsh Vardhan chuan May thla khan envi­­­ronment humhalhna kawnga hmalakna pakhat 'Green Good Deeds' chu a lo tlangzarh tawh a, nimin pawh khan hemi chung­chang hi a tarlang leh a ni. Minister chuan mipuite chu thawhpuiah sawmin, sorkar laipui policy duan tihhlawhtlin kawngah mitinte chu mawh­phurhna hlen­chhuak turin a chah bawk.

Union Environment Secretary C K Mishra pawh­in Paris Agreement (PA) leh Sustainable Deve­lopment Goals (SDGs) pawi­mawhna te tarlangin, sorkar hma­lak­na te a tarlang ve bawk.