Call of Duty: Warzone kheltu an tam chak

Call of Duty: Warzone chu ni 10 chhung lekin mi maktaduai 30 laiin an khel hman.

March 10 khan Activision chuan Call of Duty: Warzone hi  Xbox One, PlayStation 4, leh PC-a khelh theih turin a tlang­zarh a, a hit nghal hle. Plunder leh Battle Royale mode-in a khelh theih a, nikuma tlangzarh Call of Duty: Modern Warfare peng pakhat kha a ni nghe nghe.

Call of Duty hi khaw­vela game khelh hlawh a ni reng a, kum 10 liam ta chhung pawh khan US-ah chuan game hralh kal ber a ni a, COD game hrang hrang aia hralh nasat a awm lo a ni.