HONDA DIO ṬHAZUAL FAKNA Miriam Lalnundiki 'Lawmna Hla' a mawi ber
Honda Dio Ṭhazual Fakna chart-ah Miriam Lalnundiki 'Lawmna Hla' chu pakhatna a ni a, Fiona Lalmalsawmi 'Kristaa lawmna' chu pahnihna niin One In Christ 'Zing Daifim' chu pathumna a ni bawk.
Lawmna Hla a mawi ber
Ṭhazual Fakna chart-ah Miriam Lalnundiki 'Lawmna Hla' tluk zo an awm lo a, chart No.1 dinhmunah a rawn luah ta.
Miriam-i hian he hla hi nikum October thla khan tichhuakin chart-ah a inlanna pawh a rei tawh hle. Hma sawn zelin chart hmasaah khan pahnihna a ni a, tunah erawh tuma tluk rual lohin pakhatna a rawn ni ta a ni.
He hla hi sap hla aṭanga lehlin niin, Tebawihi lehlin a ni a, Opa Punte-in music track hi siam sakin Melody Recording Studio-ah recording hi tih a ni thung. A hla a mawi a, music video a hmuhnawm bakah Miriam-i hian a hla hi a sa thiam bawk a, pakhatna a ni pawh hi a phu hle.
Fiona leh One In Christ
Chart hmasaa pakhatna, Fiona Lalmalsawmi hla mawi tak 'Kristaa lawmna' chu pahnihna a ni ve thung a, Miriam-i hian a rawn luahlan ta a ni.
One In Christ pawhin hma sawn zelin an hla thar 'Zing Daifim' chu pathumnaah an rawn inhlankai pui leh der tawh. Chart hmasaah pangana ni mah se tunah chuan pathumna an rawn ni der tawh a, an dinhmun an sawh nghet zel a, pakhatna ni thei tura dinhmun ṭha pawl tak an ni hial awm e.
Rintea ft Hmingpuia 'Ka lawm zel ang' chu palina a ni a, Manunui 'Eng ka hmu ta' chu pangana a ni bawk.
Honda Dio Ṭhazual Fakna Top 10
1 Miriam Lalnundiki - Lawmna Hla
2 Fiona Lalmalsawmi - Kristaa lawmna
3 One In Christ - Zing Daifim
4 Rintea ft Hmingpuia - Ka lawm zel ang
5 Manuni - Eng ka hmu ta
6 Mawitea - Chibai ka buk che
7 Vanlalruata - Jehova
8 Sword Tune - Rawn pan rawh
9 Zoremtluanga - A tharin a awm
10 Zorema Khiangte - Saltang ṭawngṭaina