John Wick Spin-Off film-ah Ana De Armas

'No Time to Die' star Ana De Armas chu John Wick Spin-Off film 'Ballerina'-ah achangtunu ber a ni dawn.

'Ballerina' hi assasin hmeichhia niin 'John Wick: Chapter 3 - Parabellum' khan a character hi chu hmuh tur a awm zuai tawh niin Deadline chuan a tarlang a, a chhungte an thahsak avanga phuba lak tum a nih thu an tarlang bawk.

'Underworld' series director Len Wiseman chuan he film hi a direct dawn a, Zack Snyder-a film 'Army of the Dead' leh 'John Wick: Chapter 3 - Parabellum'-a a sulhnu kan hmuh tawh Shay Hatten chu screenplay buaipui tur a ni a, John Wick series director Chad Stahelski chu producer a ni thung dawn.

Cuban actress Ana De Armas hi kum 33 lai a ni ve tawh a, film eng emaw zat chang tawhin kum 2017-a tihchhuah 'Blade Runner 2049' aṭang khan hriat a hlawh zual a, 'Knives Out'-a Marta Cabrera lem a chan aṭang phei kha chuan lawm hlawh lehzualin Golden Globe Award for Best Actress in a Comedy or Musical-ah nominee a ni hial a, Saturn Award for Best Supporting Actress a dawn phah bawk.

Tunlaia film huhang ngah ber pawl, James Bond film 23-na 'No Time to Die' -ah CIA Agent Paloma lemah a chang bawk a, film lian tak tak hmachhawp a nei nual bawk a ni.