2021 AMA nomination list-ah Olivia Rodrigo a langsar

2021 American Music Awards nomination chu kar hmasa khan puanzar a ni a, mi tam tak rinlawk ang ngeiin Olivia Rodrigo a langsar ber.

Kum khat em pawh rimawi khawvelin la hmelhriat lo mah se American Tleirawl duhawm Olivia Rodrigo chuan 2021 American Music Awards-ah nomination a hmu tam ber a, pasarih lai a hmu. The Weeknd chuan dawtin paruk a hmu thung a, Bad Bunny, Doja Cat leh Giveon-te chuan panga ṭheuh an hmu ve bawk.

Kumin nomination list-ah hian Taylor Swift chu Artist of the Year category-ah a hming a lang leh a, he category-ah hian vawi riat a hming lanna niin vawi ruk lai he award hi a dawng tawh a, ani aia dawng tam hi an la awm lo. Taylor Swift hi AMA dawng hnem tawh ber a ni hrim hrim a, 32 lai a dawng tawh.

AMA hian kuminah hian category thar pathum an belh a, chungte chu favorite trending song (TikTok lama hla viral nasa aṭanga thlan), favorite gospel artist leh favorite Latin duo or group-te a ni.

Nomination hmu tam ber Olivia Rodrigo hi Artist of the year, New artist of the year, Favorite trending song, Favorite music video, Favorite female pop artist, Favorite pop album leh Favorite pop song-ahte nominee a ni a, heng category hrang hrangah hian award dawng thei tur pawhin a khan hlawm hle. Kumina a thawm neih rin dan chhut let phei chuan award eng emaw zat a hum haw ngei a rinawm.

Italian rock band, kumin Eurovision winner Måneskin pawh Favorite trending song-ah an hming a lang a, AMA-a nominee an nih vawi khatna a ni.

2021 AMA nomination ṭhenkhatte chu:-

Artist of the year:
- Ariana Grande
- BTS
- Drake
- Olivia Rodrigo
- Taylor Swift
- The Weeknd

New artist of the year:
- 24kGoldn
- Giveon
- Masked Wolf
- Olivia Rodrigo
- The Kid LAROI

Favorite male pop artist:
- Drake
- Ed Sheeran
- Justin Bieber
- Lil Nas X
- The Weeknd

Favorite female pop artist:
- Ariana Grande
- Doja Cat
- Dua Lipa
- Olivia Rodrigo
- Taylor Swift

Favorite pop duo or group:
- AJR
- BTS
- Glass Animals
- Maroon 5
- Silk Sonic
(Bruno Mars, Anderson .Paak)

Favorite gospel artist:
- Kanye West
- Kirk Franklin
- Koryn Hawthorne
- Maverick City Music
- Tasha Cobbs Leonard