Matthew West-a'n Krismas album tichhuak

Grammy-ah hial pawh nominee lo ni tawh, Gospel singer lar Matthew West chuan Krismas album thar 'We Need Christmas' a tichhuak a, Zirtawpni aṭang khan a album hi a ngaihthlak theih tawh a ni.

Matthew West hian December thlaah hian a album thar pual hian US hmun hrang hrangah 'We Need Christmas' tour a nei dawn nghe nghe a, Krismas album pathum a tihchhuahna chiah a ni bawk.

Album thar a tihchhuah ni, Zirtawpni khan a album title hla 'We Need Christmas' music video a tichhuak nghal bawk a ni.

American contemporary Christian artist Matthew West hian studio album pangngai pariat a tihchhuah tawh bakah Krismas album pathum a tichhuak tawh a, a hlate hi WOW Hits album hrang hrangah pawh an dah tel tam tawh hle.