Kristian rimawi thuthar Hillsong UNITED-in hla thar 'Sure thing' an tichhuak

Hillsong UNITED chuan Zirtawpni khan hla thar 'Sure Thing' an tichhuak.

An hla thar hi audio mai bakah music video nen an tichhuak nghal a, streaming platform hrang hrangah ngaihthlak theihin a awm tawh a ni.

An hla thar hi Kristian hla ṭha tak niin, thlipui, lirnghing leh harsatna tam tak thleng mah se rinna leh Pathian chu inhumhimna a ni tih tarlanna hla a ni a, Nathaniel Redekop leh Danniebelle Whippy-te chuan he hla hi produce-in Hillsong United zai ngainatute tan chuan a ngaihven chi hle ang.

Hillsong leh Chris Tomlin-te chuan nakkum lamah hian “Tomlin UNITED” Tour an nei dawn a, US hmun hrang hrang 33-ah tour hi an nei dawn a ni. Hei hi Kristian music tour lian ber turah mi tam tak chuan an ngai a ni.

Hillsong United hian tunhnaiah hla thar an tichhuak zeuh zeuh reng a, kumtir lamah khan live album 'The People Tour: Live from Madison Square Garden' an tichhuak tawh bawk. Kum 2008 aṭang khan Studio album panga an tichhuak tawh a, live album erawh an tichhuak hnem tawh hle thung.