Sawmte-an Birthday lawm nan Music Video a siam

Ṭhazual Award leh Lelte Award-a Best male Gospel Artist pawh lo dawng tawh Sawmte chuan kumdanga a lo tih ṭhin tawh angin a birthday pualin music video a buatsaih leh ta.

Vawiin hi Sawmtea birthday a ni a, kum dangah pawh a lo tih fo tawh angin a birthday hruaithlengtu Pathian hnena lawmthu sawi nan music video hi siam a nih thu a sawi a ni.

Sawmtea chuan birth­day gift atana ṭha a tih ber chu rawngbawlna atana music video siam hi a ni a, kuminah pawh kumdang ang bawkin Pathian in a kaihhruaina avanga lawmthu a sawi nan music video hi siam leh ta a nih thu a sawi.

A music video siama a hla hming hi 'Min hmang ang che' tih a ni a, Vanlalruata Hrahsel phuah niin music hi Ephraim Maslawma kutchhuak a ni a, video hi Milestone picture in an siam thung a, audio record hi Princeton Records-ah tih a ni thung.

He hla hi mizo rilrem zawng tak tur a ni a, MDM Library-ah dahluh a ni tawh a, thla khat hnuah MDM YouTube Channel-ah a en theih dawn a ni.