Designer lar Kate Spade boral

Khawvela designer lar ber zinga chhal ngam, Kate Spade chu Thawh­lehni zingah khan New York khawpuia a apart­ment-ah thi in an chhar.

Kate Spade hi amah leh amah a intihlum nia hriat a nih thu report chuan a tarlang a, a thi a ni tih puanchhuah a nih hnu lawkah hian milar tam tak chuan an ui thu an twitter-ah an tarlang nghal chuai chuai a, uitu leh sun tu a ngah hle.

Kate Spade hi a hming tak chu Kate Valentine a ni a, designer brand Kate Spade New York neitu a ni a, kum 55 mi niin khawvel a chhuahsan ta a ni.

Kate hian a handbag a larpui hle a, mi lar tam tak leh khawthlang mi tam tak chuan a handbag design neih chu intihtheihpuina thamah an ngai hial ṭhin.

Kate hian a pasal Andy Spade leh a fanu Frances Beatrix Spade-te a kalsan a, hetih lai hian mi ṭhenkhat chuan Andy Spade nen hian tunhnai lawkah an inṭhen niin an lo sawi ve mek bawk.