Dolly Parton Netflix-ah lamah kan hmu dawn

Netflix chuan Coat of Many Colors Singer, kum 72 mi lai ni ve tawh Dolly Rebecca Parton chu con­tract an ziahpui leh tlat mai.

Netflix hian an series pakhat chu Dolly Parton-i hla behchhan hian siam an tum a, hemi atan hian contract hi an ziahpui a ni.

Parton-i chuan song­writer a nih angin a music kaltlanga thawnthu sawi chu nuam a tih chi tak a nih thu a sawi a, a hla duhzawng tak tak te Netflix kaltlanga phochhuah chu phurawm a tih thu a sawichhuak.

Warner Bros. Televi­sion chuan he series hi an produce dawn a ni.

Mizoram thleng pawha a hla kan lo suk pui ve lawp lawp ṭhin Dolly Parton-i leh Warner Bros. hi an vawikhat thawh dunna tur a ni lo a, 2015 khan TV movie "Dolly Parton's Coat of Many Colors" an lo tichhuak dun tawh a, a kum lehah "Dolly Parton's Christmas of Many Colors: Circle of Love" an lo tichhuak dun tawh bawk.

Netflix hian 2019-ah series hi an tichhuak dawn chauh a, Parton-i pawh hi a inlan dawn nia sawi a ni a, singer/songwriter leh executive producer a ni nghal dawn a ni.